又是雷神之夜！兩大極品處女馬 別人搞不掂他卻輕勝

02754566

這晚跑到第四場四班1800米，又係開雷神，他策大熱「卡通飛飛」，結果在雷神一級留放之下，拉士一衝過晒，七歲馬第30次出賽，終於出頭首度報捷，獨贏派32.5元，組合獨贏A1則派23元，呢對人馬合作七戰一贏六位，可以話係最佳拍檔。
跑完頭四場，雷神憑「赤驥」、「現代財星」、「卡通飛飛」中三元，另外「雄心勁龍」得季軍，於騎師王掟甩晒。其中「赤驥」、「卡通飛飛」分別是之前24及29戰不出頭之馬，都給他搞掂。至於苗禮德頭四場出三駒，亦憑「赤驥」、「卡通飛飛」起孖，「火乘風」得亞軍，亦係佢馬房近期代表作。
「卡通飛飛」馬主許業榮係本地甲一組籃球班霸永倫老細，佢養馬已經好多年，此駒終於幫佢敲響近季勝鼓。今場直路有個得意鏡頭，「卡通飛飛」、「包裝騎士」及「鑽之友」三匹斜間條綵衣馬形成一個品字形，眼看佢哋可以就咁包辦三重彩之際，最後幾步畀「安闖」於大外欄後上搞垮咗，呢匹冷門跑第三。至於「包裝騎士」及「鑽之友」分獲二、四名，四重彩派一萬一千幾。
許業榮說：「我等了這場頭馬好耐了，之前當然有少許失望，牠即將轉八歲了，年紀不輕，如果今場贏完後沒有疲態的話，將在12月6日三班泥地1650米再出。『卡通飛飛』今場賽前行圈沒有如以往般狂出汗，是個好兆頭，加上出閘順利，遂能得勝。」