辣辣椒早熟監生吞

02754566

港人最喜愛的兩項運動是賽馬和足球，近期馬圈熱門話題不是雷神一天可贏幾多場，便是韋達究竟幾時再贏到馬。英超足球的熱話，就是李斯特城奇兵突出佔據榜首，還有紅魔曼聯會衰到幾時？
曼聯和韋達均是90年代起在英超和香港馬壇獨領風騷，亦同時成為13屆冠軍，但不知是不是13不祥，前者在2013年費爵爺退休，後者亦在同一個年度負於潘頓未能衞冕，之後成績下滑，不但未能再成為冠軍，今年更雙雙跌入谷底，未計昨晚主場鬥車仔，連同各項賽事曼聯已七場不勝，近四場更全負，而韋達在整個12月七次賽事亦無馬贏，世事何其巧合，要估曼聯定韋達先反底真係難過應付TSA。
說回元旦賽事，蘇保羅剛戰贏了「連利進寶」這匹質新馬，今期又有一匹在試閘走勢吸引的初出馬「辣辣椒」接棒，絕對有留意價值。這匹新西蘭馬來港前已贏過1000米大閘，來港後四次試閘亦交出兩冠一亞，早已展示上乘的天生速度，結合父系出自前短途頂級馬「小橋流水」之父Flataat，加上五匹贏馬的同母兄姊大部份是短途馬，兩線血統早熟，初出跑1000米正合發揮，有力一出即勝。