賭馬講呢啲】唔知咩叫蝕磅 總之就人強馬勁

02754566

周末苗禮德派出「龍城勇將」及「人強馬勁」在大幅蝕磅下分戰兩場國際賽預賽，有評論認為他不自量力。
但從數據顯示，苗禮德可能是全港最無蝕磅概念的練馬師，就如上文提過的「人強馬勁」剛戰蝕兩磅摘下本地G3婦女銀袋，近兩季旗下「好健康」及「積多福」亦各有兩次於級際賽蝕磅下入三甲。當然，今次「龍城勇將」及「人強馬勁」面對的是全港頂尖馬匹，想捧盃就要過五關斬六將，但兩駒均新勝正值升軌，兼且上次贏馬還能克服不太有利的步速形勢，如有一定分頭P當W賭，其實有得諗。
再者，苗禮德踏入11月後展現強勢，跑五次得一次無馬贏，今次亦有機會憑頭場「飛擒」延續勝勢。暑期間苗禮德接手這匹四歲馬後，畀足時間操練，十月中才初次上陣，賽前大細閘做齊，顯然有心轉倉即贏省招牌，可惜「飛擒」該役起步失機，直路還要在內叠困了一大輪，終點前才認真撻着，輸個多馬位得第四。等了一個月，「飛擒」吼準上次搏失的1400米出王牌換埋硬淨之郭能，埋門還要試大閘認真仄馬，擺明車馬要補中。