賭馬講呢啲】打敗怪獸 真好漢勁！（妙瞳）

02754566

上星期英國脫歐公投，不少人以英國博彩網站開出的賠率，作為這樁世界大事的選前預測，而留歐一瓣埋門不斷落飛至86%睇好，可惜如若「落飛黨」行事，在股市、期指偷步入貨的話，今次輸到入肉！身邊朋友苦中作樂，說還是香港馬場的「啡燈黨」技高一籌。不過，他們並不是神仙，剛周日大幅落飛而欠表現的「破風者」及「精算突擊」，便是失敗例子。
「飛到馬到」被視為賭馬智慧，但現今馬場賭法五花八門，睇好睇淡都有渠道變錢，加上市場太多程式賭法，個別投注組合偏熱，不過出自機械式下注又或投資者欲減低「睇淡」風險，並不一定反映爭勝機會，當中尤以莫雷拉較後場次的座騎常出現這類「假飛」，只不過大部分人將雷神與熱門兩字掛鈎才不察覺。
蘇偉賢算是「飛到馬到」馬房，剛戰爆冷的「福爾摩斯」，閘前也着綠格，由逾60倍落到47倍。周五出戰四班1400米的「真好漢」，一連三仗在同程入圍，表現也隨着票數拾級而上，剛戰終於拼出頭來，蹄下敗將「怪獸家長」新近亦贏，「真好漢」還留在第四班相當着數，可再下一城。