賭馬講呢啲】搵嘉琦妹騎 可謂擺明車馬（妙瞳）

02754566

馬季就完，慣常經驗是草地經過近十個月使用後狀況欠佳，但今季明顯反常，季中之前不論沙田及谷草均長期偏慢，但到了此刻卻快得交關，尤其是田草，上周日更有「喜蓮獎星」以破全港紀錄時間贏馬。
跑乾快地向來利前置，上述偏差跑短途更加明顯，單看六月分田草18場1400米或以下賽事，當中14匹頭馬入直路時帶頭又或落後放頭馬少於兩個馬位，可見頭馬應在此中尋。
統計數字顯示，跑短途擺前走乃蔣嘉琦強項所在，今次騎者第三場替東廐「萬事欣」掛帥，該駒前速可靠，正好讓蔣小妹盡展所長兼賺得上文提過的利前領場地偏差，事實上今季東、蔣四次夾檔，三匹上名馬「萬事盛」、「華美之友」以及「美麗皇者」均是靠放食糊，以「萬事欣」較早時曾在田草四班1200米奪亞，今次馬房作出同一配搭安排，顯然擺明車馬。
至於廐侶第二場「綫路神駒」上仗出閘失機被迫留後，並非本身最佳路法，落敗未宜作準，按照該駒近四次能於入直路時守在頭兩位，共跑了三個亞軍，今次對手進一步減弱，如能起步順利搶前，應屆開齋之時。