【賭馬講呢啲】能擺前走 便有機會快快贏

02754566

剛周三朝天文台掛黃雨警告，正常估計夜馬場地偏軟，結果竟有三場快過標準時間，另有四場較標準不過慢四線以內，即少於兩個半馬位，締速形態與正常谷草差別不大，這代表甚麼？究竟是跑馬地這條賽道去水能力超乎想像，定係平日淋水極多，故因應天雨減少灑水後分別不大？
又如上次全泥夜宴，賽前統計均顯示利中外叠追，不少賽馬媒體也有提及，但最終當晚貼內叠擺前走的馬全面上風，原因何在？聰明的你會懂。無可否認香港三條跑道保養一流，但過度「人為」，不時把投資者推向不利形勢，尤其要與一般人事前估計打對台。
當然，田泥賽道絕大部份時間宜放忌追，尤其跑日馬。今次頭場五班泥地一哩，靠追之輩佔大多數，能擺前走的「快快贏」將可賺到場地偏差及步速形勢，該駒近三仗跑1200米早段搶得急表現欠奉，但對上一次跑田泥一哩，沿途走二叠跟前取得第三，目前評分已較該役減了六分，有機會從低位反彈贏馬。
至於第四場「有禮」上仗轉戰泥地1200米，可以交出近仗未見前速並能入位，仄準後再配雷神在同程負輕磅應戰，可再進一步。