梁芷珊全面復興！羅傑承眼中「四大美人」齊上頒獎台

02754566

第七場香港回歸盃係這天回歸賽馬日戲肉，由二班馬跑田草2000米，結果上屆憑「準備就緒」大熱捧盃的練馬師方嘉柏，今屆以落飛新勝馬「文藝復興」成功衛冕。
「文藝復興」上仗由潘頓贏谷草2200米，今仗轉田草潘頓揀騎「活力歡騰」，「文藝復興」換上另一澳洲好手羅理雅威力未減，早段居後列，直路馬群中越追越勁，順利後上取得連捷，單Win及組合獨贏A1，分別派53及19.5元。
賽後「文藝復興」馬主香港飛馬團體由才女梁芷珊代表領獎，佢老公羅傑承及三位女兒亦有上台，羅傑承與他眼中的「四大美人」一起分享勝利喜悅，一定非常難忘。而羅理雅連續贏到第四次賽事，運氣持續向好。
呢場2000米長途賽考騎師留放，幾匹輕磅馬沿途前置，末段卻悉數力弱敗走，反觀大師傅除羅理雅以「文藝復興」後上勝出外，杜利萊騎後備補出32倍大冷門「歡樂盈盈」追到一席亞軍，第三名係另一後上馬新勝的蘇狄雄座騎「勇駒」。第四名係韋達操刀之「連利之星」，四重彩派超過20.5萬元。這天三T大彩池正獎落空，中頭兩關可收二萬七千幾蚊安慰獎。                                                                               

羅傑承(前排左)與太太梁芷珊(前排右)及三位女兒齊踏足頒獎台		方嘉柏
	文藝復興(4號)突圍而出