平時揸車經過西貢、馬鞍山的郊區，見來見去都係燒烤場及郊遊徑，但原來西沙路企嶺下暗藏了一座仿照告成鎮的古代天文觀測台，中國著名天文學家郭守敬（1231~1316年），都是用此來觀測日影。此外，觀測台旁還設有大型燒烤場及樹木研習徑，適合一家人遊玩之餘，亦富教育意義。少光害易睇星由西貢前往企嶺下一啲都唔複雜，只要沿西貢公路北行，在北潭涌迴旋處左轉入西沙路，朝馬鞍山方向行兩公里便到達，該處設有約20個車位。停車場旁是企嶺下樹木研習徑的入口，全程只有數百公尺，沿途約有20種樹木介紹，步行10分鐘左右便可到達天文觀測台，燒烤場就在旁邊。由於觀測台被群山包圍，加上附近栽種了高大樹木，即使離馬路不遠，光害亦不會太嚴重，遇上無雲的日子，說不定可睇到星星呢！
全景式天幕同愛人郊外賞星可以好浪漫，亦可以好討厭，試想在30℃高溫下出到成身汗，仲要被蚊叮蟲咬，仲邊有浪漫可言？今次向本田（Honda）借來的Jazz，便備有特大的全景式天幕，由A柱一直伸展至後排，身處前或後座都可有遼闊的視野，加上空調系統備有自動恒溫功能，不管是「大暑」或「大寒」之日，都可在舒適環境下觀星。同時，前座首飾箱內還設有冷氣出風口，可當小雪櫃用，炎炎夏日飲番罐冰凍汽水，夫復何求？
車細油耗低Jazz雖然係一部車仔，只有3.9米長×1.695米闊，但內櫳空間卻相當見使，頭部及足部空間出奇地寬敞，座椅鋪排亦靈活多變，除可放平後座椅背來增加載物空間外，就連坐墊都可摺起，長至滑水板、高如盆栽都可放得落。以經濟實用掛帥的Jazz，搭配了一台1.3公升4缸i-VTEC引擎及五前速自動波箱，最大的馬力、扭力輸出分別達到100ps及13kgm，配合本田Drive-by-Wire系統，造就了超低的油耗。來回九龍灣及西沙路，行了約40公里都用唔到一格油，夠晒慳家。
規格表
車 型：五門五座位揭背車
引 擎：直四 i-VTEC
容 積：1,339c.c.
最大馬力：100ps/6,000rpm
最大扭力：13kgm/4,800rpm
傳 動：五前速自動波箱
驅 動：前置引擎、前輪驅動
制 動：（前）透氣碟、（後）實碟
懸 掛：（前）麥花臣式、（後）扭力桿
體 積：3,900×1,695×1,525mm（長×闊×高）
|
發表於 2011-8-28 08:19 AM
| 