【賭馬講呢啲】何良騰煌最後衝刺（妙瞳）

02754566

雖然何良上周接收了三匹「包裝」系，但養馬量仍未過50大關，還要旗下以年長馬居多，目前能交出21場頭馬認真不錯。翻查前季及上季何良均贏22W，但上季自5月16日中三元後便零頭馬全線收爐，再結合近期何廐攻勢頗猛，近四次賽事出馬14匹共交出兩冠兩亞三季兩第五，筆者推斷何良就算今季頭馬數字「破頂」也不會多，料會維持為來季留有一手的慣常作風，現階段可能是何廐今季最後一個升浪。
周三晚何良出馬三匹不算多但各具分量，第三場「超好玩」上仗贏得漂亮，自然備受注意，而頭場「大將風速」前仗在田草1600強組跑第五，頭四名已先後有「駕喜」及「勁豐裕」再出贏馬，就算「大將風速」上仗角逐谷草1200也能跑入亞軍，近績夠硬淨，既然較早時跑沙田1000，取位欠順下仍得第四，周三晚此駒出戰谷草同程，力足打開勝利之門。另外，第七場「騰煌」今季在谷草四捷，並由1200贏到上一哩，馬房一早立心越跑越長，今次轉戰1800仍屬射程，埋門試閘仍然前快後勁，未宜輕視。