【賭馬講呢啲】蘇保羅照例再開心

02754566

恭喜發財，今日是大年初一，先祝大家羊年馬運亨通，萬事勝意!
初三被稱為赤口不易拜年，所以跑馬最啱，好讓朋友們發新年財。依照上季賀歲馬，全日11匹大熱門共取得兩冠三亞三季，整體表現不錯，不夠10倍的連贏更開出了四條，究竟是巧合，定或練馬師也求在新精頭贏馬攞意頭，派出廐內較有把握之馬賀歲，個人會傾向以後者解讀。皆因以上季初三為例，分別有馬名意頭好的「添丁發財」、「手到拿來」以及「幸運勝利」等有飛馬順利奏捷。
新一年大家都常贏個「滿堂紅」，初三蔡約翰選擇派出這匹已連勝兩場的質新馬在第六場乘勝追擊相當應景，論馬近兩次在谷草贏馬姿態輕鬆，加上此刻正是蔡廐的業績高峰期，自一月九日開始，已連續五次沙田日馬交出頭馬，以「滿堂紅」目前當銳，有力三連捷。
第十場「再開心」前仗在國際賽日以玩敵姿態勝出三班強組1400米，所以上仗增程初跑1600米仍被捧成大熱，可惜遇上極快步速跟前未能埋尾，今戰該駒縮回1400米，蘇保羅可繼上年初三贏「添丁發財」應節後，屆時為大家帶來「再開心」開年。