【麥格夫隨筆】嘉琦BB應該做得到

02754566

近期蔣嘉琦鋒頭幾乎蓋過雷神，上周日差一步就五W寫下歷史。現時蔣嘉琦手上有13W，再添七W就可升格受讓七磅，換言之她尚餘七場可減十磅的贏馬配額。
從其該13W分析，谷草只佔三場，泥地亦是三場，七W是田草，但最特別的是該13W裏，1400、1800米各一W，其餘全是1000與1200米短途，可見練馬師偏向於短途較放心讓她出擊。
今次蔣嘉琦騎八駒，她與苗禮德合作三次全勝，頭場獲提供「赤驥」，雖然路程係泥地1650米，但馬匹性能為跟前守好位跑，屬較易發揮一類，嘉琦BB應做得到，始終孭少十磅太着數。
另外，第八場「快無極」情況亦一樣，剛由巫斯義放頭跑輕勝，較標準時間快近五線，被重加九分，今場用蔣嘉琦較贏馬時更輕磅，兼獨沽一味靠放，是最符合所有贏馬條件的一駒。