公仔箱論壇 - Powered by Discuz! Board

標題: 蘇偉賢贏馬後自揭雷神撬走湯智傑座騎 [打印本頁]

作者: 02754566 時間: 2016-4-7 01:34 AM 標題: 蘇偉賢贏馬後自揭雷神撬走湯智傑座騎

這晚泥地頭馬檔位縱橫交錯，上半場裏面，既有頭場「至叻熊」1檔勝出，亦有第四場「奪目商人」排14檔後上掄元。
到了第五場四班1800米，又由1檔馬贏番，主角蘇偉賢馬房六歲馬「天長地久」原本由湯智傑騎開，上仗跑第二，今次一換雷神即變最熱門，沿途走內叠守好位，末段加速排眾而前，先頂住內側「沙角威龍」，再力拒外叠「和諧氣氛」來犯，開出3.6倍大熱Win，組合獨贏A1派21.5元，馬兒打開今季勝門。
雷神同蘇偉賢季內累積合作17戰七勝零位置，頭馬亦幾乎清一色為大熱門。今場着綠燈的「和諧氣氛」後追第二，第三名「沙角威龍」，「常開心」第四，四重彩派兩萬蚊鬆啲。
蘇偉賢說：「『天長地久』上仗泥地一哩入Q，已證明可應付泥地，其實湯智傑上仗都跑得好，只是莫雷拉向我索騎，我便詢問馬主意見，馬主回覆既然馬兒今季屢拼不逞，不如換雷神試吓。賽前我對雷神表示，『天長地久』並非易騎，牠一定要放頭，二是不可塞在馬群中，雷神跑來好有智慧，入直路後稍為移出外欄，避免塞死。『天長地久』今仗贏馬後升上三班負輕磅，我希望雷神仲肯騎，須知就算雷神願再騎亦並不代表馬兒必能再贏，但至少反映雷神喜歡此馬，也是好事呢！」

歡迎光臨公仔箱論壇 (http://5.39.217.77:8898/)