香港人雖注重健康，但經常見到營養師的餐單，款式既少，口感又Dry，有時還聽到他們對食材和煮法的堅持，比醫生叫戒口更教人受不了。但小記所認識的星級營養師陳國賓（Leslie），卻跳出傳統框框，他的「搵食之道」非但唔奄尖，還將「食得開心」這份熱情融入體感運動遊戲，最近在銅鑼灣搞咗間Kinect Cafe主題食肆，Shake住手腳玩Kinect遊戲之餘，仲可大歎為運動後而設的特色晚餐，為繁忙的都巿人帶來「識玩識食」健康之道。 追求質量不擇食有人話營養師是「另類偏食」，他們為了能攝取健康營養，力求少油、低鹽、高纖而捨棄美味食物，甚至謝絕外出用膳。Leslie認為營養師深明食物的攝取Quota，但自己絕不揀飲擇食：「對於食，個人認為是怎樣在質與量之間取得平衡，好像吃火鍋時，大家會涮大量肉食，但我會選擇甚麼都吃一點，或者選購一些新鮮高質的肉類，確保食得安心。」他自認為食之人，亦跟普通人一樣鍾意周圍「搵食」。「我喜歡吃東西時尋找喜悅，不僅對食物本身，還鍾意感受食店的氣氛、分享烹調心得、挑選食材以至煮食過程等，希望從口感以外，增添精神上的滿足感。」tvb now,tvbnow,bttvb& P3 L7 ^+ k/ S v! u; W9 L' O
