【馬季煞科】陳玉蓮撐場！見證蔣嘉琦fight back反勝一幕
人氣女將蔣嘉琦首次在本港馬季煞科日出賽，這天賽前佢有機會包辦尚未揭曉的最受歡迎騎師及告東尼獎。未等答案揭盅，嘉琦BB先以贏馬冧粉絲，第四場勝出告東尼馬房、馬主伍燕梅愛駒「萬事欣」，女藝人陳玉蓮及前警隊一哥曾偉雄亦有拉頭馬。
第四場四班1200米草地，嘉琦連續第二次騎東廐「萬事欣」，早段貼欄單騎放領，直路初一度俾潘頓座騎蔡廐「翩翩」超越約莫半個馬位。不過人馬都冇放棄到，結果「萬事欣」終點前幾步fight back回氣再上反敗為勝，「萬事欣」以短距離之先險勝今季首次贏馬，單Win及組合獨贏A1，分別派49.5及14.5元。
今場亦造就嘉琦BB與伍燕梅呢個女子組合繼「萬事盛」後，再度攜手揚威凱旋門，而無獨有偶，後駒當日於5月1日四班田草1200米，亦係由蔣嘉琦沿欄放頭，並於末段fight back回氣反先對手勝出（當時羅理雅座騎「放下自在」一度出頭）。嘉琦BB暫有36win，在告東尼獎領先梁家俊4場。
最熱四駒包辦呢場前四名，次熱「萬事欣」勝出，「翩翩」大熱功虧一簣又跑第二，開齋要等下季，第四熱門「御風雲」由雷神跑第三，第三熱門「春盈」則在田泰安胯下得第四，四重彩派2,536元。 
|
-
1
評分次數
-
發表於 2016-7-10 08:57 PM
| 
蔣嘉琦與告東尼(右)
伍燕梅爸爸(右四)剛98歲生日
萬事欣(紅衫)fight back回氣反勝翩翩
