【有料到】威旺財趕尾班車（韋倫）

唔經唔覺，今期上演本季谷草最後一戰，文家良、姚本輝和告達理於過去四季谷草煞科戰三次有馬贏，顯然他們都喜歡趕尾班車，替旗下馬盡最後機會埋齋，今戰此三廐均有實力馬列陣，當中文家良四駒全數有谷戰賽績根據，而且大多季內未贏馬，今仗必全力求勝作交代。
列陣第二場五班1650米的「威旺財」，英愛馬性賦遲熟，來港適應需時，初時在孫廐毫無表現，及至上季尾階段轉投文廐才開始見進步，曾於四班同程僅負給「龍之欣」跑第三。今季在五班長期作戰，季初在田草及泥地賽尋找突破，可是表現未如理想，重新部署後近仗集中跑谷草，演出轉趨穩定，已連續四場
拼獲亞、季軍，無論前置或留後亦可上名，跑法夠機動，五歲馬仍在壯年無傷患，在五班總有出頭天。
周三晚「威旺財」打埋王牌報爭谷草1650米，一早卜定莫雷拉主轡，賽前他更連操兩課，擺明志在必得，文廐今季有「駕喜」和「辣得狠」上名後再出換雷神即贏，今次隨時輪到「威旺財」在煞科前贏番場。