韋達在剛過去的田草日賽，頭兩場即憑「田黃」和「駟寶」起孖，又在三級賽獅子山錦標策「天才」拼獲季軍，表現稱職。
韋達當日手風頗順，平日殺氣騰騰的他一轉態度，最特別的第五場，他準備經配鞍處旁邊的小通道步出沙圈，昔日殺手居然春風滿面，主動向小記揮手問好，我的第一句回應卻說：「『天同』退出了！」
韋達瞪大眼睛：「唔係掛，發生乜嘢事？」
小記續說：「我都唔清楚，但獸醫要求匹馬退出。」
韋達：「噢，咁我返入騎師室再涼冷氣啦！」說罷即轉身返入騎師室，原來「天同」配鞍時發脾氣，不慎撞傷右前腳，幸傷勢不嚴重。
韋達瞪大雙眼驚訝的表情，不禁令小記會心微笑。周三晚第三場四班1200米，「越跑越好」和「喜悅再來」兩匹嫡系處女馬同場列陣，十三少揀騎前駒，且看目光是否跟以前做冠軍時一樣，獨具慧眼。
十三少亦接手三匹蘇偉賢馬房的賽駒，其中「飛星凱旋」和「神威福將」季內曾由昔日對手柏寶勝出或上名，二人幾年前為冠軍騎師寶座鬥得你死我活，轉眼間，今日的馬場已成莫雷拉的天下。有趣的是，柏寶和韋達近年的關係好轉，經常在晨操小休時傾閒偈，世上果然沒有永遠的敵人，柏寶繼續停賽，座騎由昔日的對手搏殺，說不定會幫助十三少繼續轉運。 |
發表於 2016-5-31 12:13 AM
| 