莫雷拉今季已贏107場，在騎師榜遙遙領先，蟬聯冠軍騎師寶座冇問題，而潘頓上季贏95場，但目前只得44W，相信今季最終頭馬數目，應該不及上季。其實，這位前屆冠軍騎師，今季的演出實在太飄忽，好似上次日賽騎大熱門「索先生」，沿途走位缺乏爭勝意識，與打吡騎「凱旋生輝」得第二比較，陣上發揮簡直判若兩人。
近期亦有唔少潘頓騎所輸的馬匹，翌仗換人跑得好，例如上星期尾場落飛贏馬的「錶之勝」，之前一仗配潘頓姍姍來遲跑第三，翌仗換莫雅擺前走贏馬。此外，周三夜賽勝出的「精壯神駿」，亦是潘頓的舊座騎，翌仗換上莫雷拉，即現真身順利贏馬。
出戰下周一第三場四班1400米的「拖板王」，最近三仗在潘頓胯下取得一冠一季，前仗後上贏田草1200米，該賽跑第二、三名的「翡翠紅星」及「乘勢好運」，之後取得兩冠兩亞，屬高水準的四班賽。
上場再跑1200米，前段留到太後，沒有把握排六檔的優勢，雖然末段造全場最快時間22秒85，最終輸五又四分三馬位跑第三，輸在潘頓前段騎法欠積極性，但馬匹的表現更有進步。今次增程跑1400米更啱腳法，史卓豐騎後上馬發揮好，依然跑四班賽，呢匹潘頓寶藏絕對值得吼實。 |
發表於 2016-3-24 09:31 PM
| 
