莫雷拉今季暫時替蔡廐取得18Win，但自從2月14日勝出「魔連奴」之後，他們最近11次合作，只得兩亞一季，呢個冠軍組合差不多一個月冇頭馬進賬。話雖如此，蔡約翰在這段期間依然贏至開巷，同其他騎師合作贏咗六場，其中柏寶佔三場，田泰安、莫雅及羅理雅各佔一場。
翻查騎練串Q統計，莫雷拉今季與姚本輝串Q次數最多有16次，其次是徐雨石有11次，而與蔡約翰串Q只有10次。而事有湊巧，最近蔡約翰贏馬的場合，莫雷拉騎其他馬房的馬匹，卻經常表現失準，例如443場次，「鈦金剛」配柏寶贏馬，莫雷拉騎3倍大熱「川河寶駒」姍姍來遲跑第六；前晚「鄉村輝煌」爆冷，同場大熱「永旺年年」後上不及跑第三。
星期日蔡約翰出八駒，只有第八場「川河猛駒」配莫雷拉，餘駒分別配柏寶、田泰安、潘頓等前列騎師。其中，角逐第六場四班1200米的「精算追擊」最值得留意，大前仗由何澤堯贏同程，大勝三又四分一馬位，實力肯定超第四班。
上場增程跑1400，換上莫雷拉成為四倍熱門，起步大漏閘而後上跑第九，後上力前所未見咁好，表現有進步感。今次縮程跑返贏馬路程，同場莫雷拉騎新勝馬「迫擊炮」勢成熱門，此駒改由柏寶執韁，份量未減，排12檔賠率有較佳分頭，捧WP博得過。 |
發表於 2016-3-11 12:50 AM
| 