新春賽事馬不停蹄，年廿八跑完十場，初三又跑11 場，初七再有十場，九日之內跑31場，統統在沙田馬場進行，跑道的草地質素必定受到影響，初三及初七賽事，有可能會出現嚴重的跑道偏差。
此外，相同賽程編排過密過多，例如初三賽事三班1200 米分拆為兩組，初七日賽此賽程亦編排有一場，而三匹新勝馬「太陽喜喜」、「滿堂紅」及「一片光明」，巧合地分途上陣，同樣面對較弱的對手，且看這三匹好意頭馬，能否在新正頭賽事順利連捷。
初三賽事第六場三班1200 米，蔡約翰馬房的「滿堂紅」，最近五場都跑谷草短途，近兩仗湛明諾騎贏完又贏，雖然上場只贏頸位，但直路只打了幾鞭，根本大把在手，姿態似難實易，四歲愛爾蘭馬已完全適應，表現大熟大勇。Kodiac 子嗣在英國跑闊場一樣掂，好似上年巫斯義多次獲邀策騎的「小熊犬」(Kodi Bear)，相信大熟的「滿堂紅」轉戰沙田冇問題。
「滿堂紅」在外地贏三次都重磅，更曾經過137 磅贏馬，前仗在四班133 磅贏馬開齋，輕鬆彈開對手兩個馬位，足以證明牠的負重磅能力相當高強，今場只負130 磅，絕對不成問題。年初三蔡約翰採精兵制，「澳斯卡」、「育成寶寶」及「精算博奕」都是進步未見底的質新馬，連珠炮發贏幾場不足為奇。「滿堂紅」轉跑田草兼且強配莫雅，擺明配合馬房攻勢而來 |
發表於 2016-2-8 12:22 AM
| 