馬房秘聞：川河首駒又有尾運

上周三夜馬蔡約翰憑「川河猛駒」食尾糊，明晚輪到同主馬「川河首駒」守尾門，據馬房手足話，此駒歷來五捷皆在田草取得，但本身短小精桿，其實跑谷草亦很擅長，前仗便在 1 6 5 0 米跑第二不敵「喜喜寶」，今次再爭同程抽埋四檔好位，主要對手如「心好事成」、「連利之星」排晒外檔，形勢對牠有利，何況鞍上人蘇狄雄近期手風順，與蔡廐剛捬手勝出「首飾多寶」，有實力馬交到他手上定必全力以赴。

第六場「皇子」已流過兩次鼻血，如再有第三次便要被逼退役，所以逢出必拼冇保留，前仗贏馬姿態輕鬆，上仗初升三班亦被捧成大熱，可惜因氣管有血而敗，復課後經得操磨，今番移入四檔，有權重振聲威。