馬房秘聞：永神駒強配打真軍

姚本輝在昨晨收操後，約同兩名見習生呂卓賢及吳嘉晉一同返馬房睇兩駒在地堂走花蹄，牠們分別是「永神駒」及「小龍兒」，前駒近三仗均配呂卓賢，近期亦多由此子負責操練，昨晨姚本輝特意向他查問馬匹近況與進度，得知此駒近日火氣增強，狀態返晒嚟，不過今仗呂卓賢有份操但冇份騎，將回配季內贏馬功臣郭能，幕後貪佢省得起隻馬前速，搏殺更有把握，馬房手足話落班執埋一檔，有信心「永神駒」拿下這場頭馬。

至於「小龍兒」上周三配吳嘉晉僅敗，今番乘勇再來，昨晨姚本輝向吳嘉晉教路，叮囑他要盡力搶前走，不能跟馬跑，跑法一如上仗般，才可達到最理想的效果，今戰強手無多，有力收復前失。